გაზახში ტრანსსასაზღვრო თანამშრომლობის სამოქმედო გეგმის შემუშავების სამუშაო შეხვედრა გაიმართა

12 სექტემბერი 2018

10-11 სექტემბერს, პროექტის „ახალგაზრდა მეწარმეების სინერგია - ქსელი საქართველოსა და აზერბაიჯანის ტრანსსასაზღვრო თანამშრომლობისთვის“ ფარგლებში, გაზახში სამუშაო შეხვედრა გაიმართა. საქართველოს მხრიდან გარდაბნისა და საგარეჯოს, ხოლო აზერბაიჯანიდან გაზახისა და აღსტაფას სამუშაო ჯგუფის წარმომადგენლებმა მოსაზღვრე მუნიციპალიტეტებს შორის თანამშრომლობის პერსპექტივები განიხილეს. მეცხოველეობის, მეფრინველეობის და ტურიზმის სექტორებში თანამშრომლობისთვის, სამუშაო ჯგუფებმა ტრანსსასაზღვრო თანამშრომლობის გეგმა შეიმუშავეს და განსაზღვრეს პრიორიტეტული მიმართულებები.

ტრანსსასაზღვრო თანამშრომლობის პრიორიტეტების ჩამოყალიბების შემდეგ გეგმები საქართველოსა და აზერბაიჯანის ეროვნულ, რეგიონულ და ადგილობრივ დაინტერესებულ მხარეებს წარედგინება და მოხდება ამ საკითხების ადვოკატირება.

პროექტს „ახალგაზრდა მეწარმეების სინერგია - ქსელი საქართველოსა და  აზერბაიჯანის ტრანსსასაზღვრო თანამშრომლობისთვის“ ახორციელებს ,,სიდა" და დასავლეთის რესურსი სამოქალაქო საზოგადოების განვითარებისთვის.

პროექტი თანადაფინანსებულია ევროკავშირის მიერ, აღმოსავლეთ პარტნიორობის ტერიტორიული თანამშრომლობის პროგრამის ფარგლებში.

აღმოსავლეთ პარტნიორობის ტერიტორიული თანამშრომლობის პროგრამა შესაძლებლობას აძლევს აღმოსავლეთ პარტნიორობის ქვეყნებს განსაზღვრონ და ერთობლივად უპასუხონ მოსაზღვრე რეგიონებში არსებულ გამოწვევებს ადგილობრივ დონეზე მდგრადი ეკონომიკური და სოციალური განვითარების მხარდასაჭერად. აღმოსავლეთ პარტნიორობის ტერიტორიული თანამშრომლობის პროგრამა მოიცავს ოთხ ტერიტორიულ პროგრამას: სომხეთი-საქართველო, აზერბაიჯანი-საქართველო, ბელარუსი-უკრაინა და მოლდოვა-უკრაინა.

წყარო: http://www.cida.ge

კომენტარი

ბმულები
volunteering
volunteering
ვებ გვერდის შესახებ

ვებგვერდი შეიქმნა აღმოსავლეთ-დასავლეთის მართვის ინსტიტუტის (EWMI) სამოქალაქო საზოგადოების განვითარებისა და მოქალაქეთა ჩართულობის პროექტის (ACCESS) ფარგლებში.

ვებგვერდის შექმნა შესაძლებელი გახდა ამერიკელი ხალხის მხარდაჭერის შედეგად, ამერიკის შეერთებული შტატების საერთაშორისო განვითარების სააგენტოს (USAID) დაფინანსებით. ვებგვერდზე განთავსებულ მასალაზე პასუხისმგებელია სიდა (CiDA) და შესაძლოა არ გამოხატავდეს ამერიკის შეერთებული შტატების საერთაშორისო განვითარების სააგენტოს (USAID), ამერიკის შეერთებული შტატების მთავრობის, ან/და EWMI-ს შეხედულებებს.

ვებ გვერდს ადმინისტრირებას უწევს sida

cso.ge ფუნქციონირებს 2011 წლიდან

საკონტაქტო ინფორმაცია
მისამართი

ქ. რუსთავი, მეგობრობის გამზირი #1

ტელეფონი: (+995 341) 258822 (14)

ფაქსი: (+995 341) 258822

ელ.ფოსტა: contact@cso.ge